西柚蘋果汁

之前係團購買咗部 Cuisintec 果汁攪拌機諗住整糊仔, 

因為Zoie已差不多6個月大可以吃固體食物, 

咁我就首先試用下做西柚蘋果汁, 

部機體積唔算大, 可以整果汁同乾磨兩個功能, 

parts唔多，只用清洗個透明杯同蓋, 十分方便! 啱晒我呢種懶人!

唯一唔好慨地方係冇on\off 掣, 要用電插蘇開關, 可能有佢個原因呱!

個西柚蘋果汁好好味, 好夠蓉! 兩百蚊貨仔都好抵玩!

但係就唔好倒啲好熱嘅嘢入去攪, 因為佢唔係專for BB用, 

塑膠嘢遇熱可能釋放有害物質。

一人份：

蘋果 X 半個

西柚 X 半個

蜜糖 X 1茶匙

冰 X 半杯 （各人喜好）

蘋果去皮和西柚切粒，先將冰放入杯內再加入果粒及蜜糖, 

攪拌三十秒完成!

* 這個次序可避免啲冰太硬另刀片開始運作時難以啟動。